መ ግ ቢ ያ

የኢየሩሳሌም ታሪክ ለኔ ከህጻንነቴ ጀምሮ እየሰማሁና ቅዱሳት የታሪካዊ ቦታዎችን ጭምር በፎቶግራፍ እያያሁ ነው ያደኩት ። አያቴ ማንያህልሻል ዋካ ከ 50 ዓመት በፊት ኢየሩሳሌም ነበረች። አክስቶቼ እና አጎቴም እዛ ለብዙ ዓመታት ነዋሪዎች ናቸው ። ከአባቴ ወገን የሆኑት ኢየሩሳሌምን ሊሳለሙ ሄደው ከሦስቱ አንዱ ሲመለስ ሁለቱ ግን መንገድ ላይ ሞተዋል ። ይህ የሆነው በ1910 ዓ.ም አካባቢ ይሆናል። የተመለሱት ወልደ ሰማዕት ይባላሉ ።

የሳችው እና የሌሎቹም ወደ ኢየሩሳሌም የመጡ ተሳላሚዎች ስም ዝርዝር የመጡበት ቦታ፤ የፈጀባቸው ወራቶች ሳይቀር አባ/መጋቢ/ብርሃነ መስቀል ገ/ጽዮን ተጠርዞ በተዘጋጀው መዝገብ ውስጥ ይገኛል። ጊዜ እና ሰዓቱ ሲደርስ እኔም ወደ ኢየሩሳሌም ሄድኩ። አራት ወር እንደቆየሁ የመጽሐፉን ሥራ ከብፁዕ አቡነ ሕርያቆስ እና ከብፁዕ አቡነ አብሳዲ ጋር “ሀ” ብዬ ጀመርኩ። ለሁለት ዓመት ከአራት ወር በላይ በወር ቢያንስ 2 ጊዜ ስንጓዝ ማስታወሻ በመያዝና በቪዲዮ በመቅረጽ ጀመርኩ ። አቡነ ሕርያቆስም ሆኑ አቡነ አብሳዲ አረብኛውንና እብራይስጥ ቋንቋ (ሂብሩ) አሳምረው ስለሚያውቁት ስለቅዱሳት የታሪካዊ ቦታዎች የተጻፉትን መጻሕፍት ለምስክርነት እየገዙ ማንበብ ጀመሩ ።

በሄድንበት ቦታ ሁሉ ችግር አላጋጠመንም።በይበልጥ አቡነ ሕርያቆስ በገዳሙ ያሉትን አባቶች ከ50 ዓመታት በፊት ጀምሮ ስለሚያውቋቸው በሄድንበት ቦታ ሁሉ በክብር ይቀበሉን ነበር ። መጀመሪያ ያሳተምኩት መጽሐፍ ሊይዝ የሚገባውን እና ማብራራት ያለበትን አካቶ አለመያዙን ተረዳሁ ። ሊቀ መዕመራን ቄስ ዶ/ር አማረ አሜሪካ ጋብዘውኝ፤ ሊቀ ሊቃውንት መምህር ወርቅነህ ኃይሌ መኖሪያ ፈቃድ እዳገኝ ረድተውኝ በአሜሪካ መኖር ከጀመሩኩ በኋካ ነው ሁለተኛውን የመጽሐፍ ሥራ የጀመርኩት ።

በዚህ የተነሳ በእስራኤል ዮኒቨርሲቲ ውስጥ በግላቸው እንኳን እነዚ ቦታዎች ቢቆፈሩ ማስረጃ ይገኛል በማለት አስተያየታቸውን ይሰጡ ነበር።ስለ ቅዱሳት ታሪካዊ ቦታ ሲያስረዱና ሲያስተምሩ ተራውን ሰው ምሁር ማድረግ ይችሉ ነበር ። መጽሐፉን ሳዘጋጅ እስከ መጨረሻው የረዱኝን ብፁዕ አቡነ ሕርያቆስ፤ብፁዕ አቡነ አብሳዲ፤ ብፁዕ አቡነ ማቴዎስ፤አባ/መጋቢ/ብርሃነ መስቀል እና ፕሮፌሰር ኪርስቲን እስቶፈርጌን የመጽሐፉን ፍጻሜ ሳላሳያቸው በሞት ስለተለዩኝ ከልቤ አዝኛለሁ።በሕይወት የቀረሁት እኔ ብቻ ሆንኩ።እግዚአብሔር ረዳኝና እንደገና በአዲስ መንፈስ ተነስቼ መጽሐፉን ጨረስኩት።